法國呃思想家讓·雅克·盧梭勒拉《愛彌兒》一書當(dāng)中，就寫過一段有關(guān)于“生活”呃話語，伊是迭恁樣子唻寫到呃，伊寫道：“生活得蕞有意義得人，并不是活得蕞大得人，而是對(duì)生活蕞有感受得人。”
吾是土身土長(zhǎng)呃上海人，上海既是一座海派搭五方雜處呃城市，與此同時(shí)，迭座城市呃文化又是兼容并蓄呃，所以講，對(duì)于迭座城市呃方言文化唻講，勿單單擁有本土呃方言文化，伊還大量呃吸收嘞華夏各地呃方言文化搭外國語言文化，是邪氣好白相呃一樁事體。
今早仔么，吾就唻講講“生活”迭嗰詞眼，伊呃讀音搭普通言話呃讀音可能嗎？是弗大一樣呃，勒拉上海方言言話當(dāng)中，“生活”迭嗰詞眼就畀讀作嘞“桑滑”一詞，覅管是居住勒拉市區(qū)里向呃上海人，還是土身土長(zhǎng)呃浦東地區(qū)人，儕都是畀“生活”讀作“桑滑”一詞。
要是畀“時(shí)光”迭部列車倒轉(zhuǎn)到1843年11月17日，掰搿辰光是上海畀開埠呃日腳，伊是依照《南京條約》搭《五口通商章程》而開埠呃。勒拉掰搿辰光，只因吾伲China還處勒拉農(nóng)業(yè)階段搭手工藝階段，對(duì)于掰搿辰光呃上海人唻講，“生活”一詞就表示“手藝”。
對(duì)于處勒拉各式各樣行當(dāng)里向呃工作人員唻講，比方講：有得迭恁一群手藝人，廚師老爺小菜燒得好、剃頭師傅剃頭剃得好、賣肉營業(yè)員斫肉斫得好，要多少是多少，可以講是一刀準(zhǔn)，迭嗰辰光呃上海人就會(huì)得講一句贊許對(duì)方呃言話，“生活靈光”或“生活清爽”。
當(dāng)“生活”迭嗰詞眼當(dāng)作“手藝”唻解釋呃辰光，就畀叫做嘞“生活經(jīng)”。還比方講：“隔壁弄堂里向崇明小皮匠呃‘生活經(jīng)’哪恁變得越唻越推板、越唻越弗大靈光嘞，大概是由于搭伊本人近搶把身體覅是頂頂好，生過毛病是有得一眼眼關(guān)系呃！”……當(dāng)時(shí)光迭部列車走到嘞今早仔、21世紀(jì)以后，“‘生活經(jīng)’越唻越推板”、越唻越“弗大靈光”，講呃人就變得越唻越少嘞，反而是畀“生活粗糙”替代嘞！
“生活”儕是要靠“生出唻”搭“做出唻”呃，要曉得“生活”搭“做生活”迭兩嗰詞眼，并弗是一些“手工藝人”專用呃一嗰名詞，凡是勒拉各種行當(dāng)里向做各種生活呃人，儕都是可以去使用迭兩嗰詞眼呃，到嘞今早仔，“生活”搭“做生活”就等同于“去上班”。上海房子呃特點(diǎn)搭特色就是里弄跟弄堂，弄堂里向，覅管是大大搭阿奶，還是外公搭外婆，勒拉安撫、規(guī)勸、哄第三代小囡呃辰光，儕會(huì)得開口唻講迭恁一句言話噢，伊拉唻講道：“囡囡么要乖，囡囡覅哭嘞，囡囡覅吵嘞，倷呃爺娘么現(xiàn)在儕勒拉做生活，只有上班班去么，儕有得銅鈿好賺噢，賺到嘞銅鈿，會(huì)得畀囡囡買各種‘白相倌’！”……
假使有得倆嗰邪氣要好呃老朋友，交關(guān)辰光嘸碰頭嘞，攔陌生頭間碰著嘞，相互之間或多或少必定是要談?wù)勆胶＝?jīng)嘎嘎訕胡呃，勒拉談山海經(jīng)嘎訕胡呃辰光，就會(huì)得相互唻講道：“儂近搶把到底勒拉啥地方‘做生活’啦？！”……到嘞迭嗰辰光，“生活”搭“做生活”，就弗是指“手藝”，而是指“勒拉啥呃單位做啥呃工作（種）呃”。其中一嗰人就會(huì)得開口唻講道：“儂曉得吾是會(huì)計(jì)學(xué)堂畢業(yè)呃，吾么一直勒拉做‘老生活’、會(huì)計(jì)生活噢，但畀過辰光走到嘞今早仔，對(duì)于會(huì)計(jì)生活么，要求變得越唻越高，迭嗰‘老生活’是邪氣難觸祭呃！”……
上段文字當(dāng)中呃“老生活”，伊還有“老舉三”搭“定頭貨”呃意思。勒拉上海方言言話當(dāng)中，“老舉三”就是指邪氣有得經(jīng)驗(yàn)、交關(guān)恁干呃意思，“定頭貨”通常就是指脾氣倔強(qiáng)、擋路覅肯通融呃人。
辰光走到今早仔，“做生活”迭嗰詞眼使用呃頻率還是邪氣多、邪氣頻繁呃，還嘸消失忒。有些人勒拉中哴向休息呃辰光，一部分人喫好中飯以后，歡喜打打磕沖，另外有一些人歡喜談?wù)勆胶＝?jīng)嘎嘎訕胡，還要無軌電車么爛開。只要是辰光一到，某些邪氣有心呃人就會(huì)得提醒道：“覅要再打磕沖、談山海經(jīng)嘎訕胡嘞，做生活辰光到嘞！”
上海人還邪氣歡喜講講“真生活”迭句言話，繼續(xù)比方講下去，曰：“吾屋里廂是居住勒拉六層樓高頭呃，到嘞今早還勒拉使用液化氣瓶，還嘸使用天然氣，一口氣畀液化氣瓶扛到六層樓是真生活！”
當(dāng)文章寫到嘞此地塊，可以講已經(jīng)是接近末尾嘞，吾蕞后還要唻講講“喫生活”迭嗰詞眼。勒拉上海方言言話當(dāng)中，“喫生活”迭嗰詞眼就是“挨打”呃意思，再讓吾唻列舉一兩嗰迭嗰方面呃例子。
比方講一：有得倆嗰大人勒拉弄堂里向吵相罵，還要準(zhǔn)備打相打，一邊勒拉吵相罵搭打相打呃辰光，其中一嗰人唻講道：“儂迭只小赤佬，自家身哴向呃毛還嘸長(zhǎng)齊，居然敢標(biāo)點(diǎn)符號(hào)滿天飛舞，嘴巴里向還要不二不三老三老四老嘎嘎呃言話，當(dāng)心吾要請(qǐng)儂喫生活嘞！”……
比方講二：每家人家呃屋里廂總歸有得一倆嗰皮大王小囡呃，覅管是大大搭阿奶，還是外公搭外婆，勒拉規(guī)勸小囡覅要再調(diào)皮搗蛋嘞，要乖、要聽言話呃辰光，會(huì)得對(duì)伊講迭恁一段上海方言言話，曰：“好嘞，好嘞，小鬼儂覅要再調(diào)皮搗蛋嘞，再要迭恁樣子下去呃言話，屋里廂儕都是要畀儂拆忒、拆光嘞，儂要是再覅聽言話，當(dāng)心儂爺娘下班回唻以后，殺殺搏搏請(qǐng)儂‘喫生活’，輕者么要打儂‘頭塌’、‘喫毛栗子’搭‘竹筍烤肉’，重者么叫儂渾身上下儕是烏青塊！”……
勒拉上段文字當(dāng)中，“頭塌”就是指：用手去打頭；“喫毛栗子”就是指：先畀“食指”搭“中指”卷起唻，再用倆嗰尖尖頭去打頭；“竹筍烤肉”呃含義搭意思就是講，拿一把木制呃尺去打手心。
【備注：①：文章為感謝分享來自互聯(lián)網(wǎng)；②：圖一、圖二、圖三和蕞后兩張支持是感謝分享自己感謝得；③：上海言話文字支持均近日于網(wǎng)絡(luò)上；④：感謝來自互聯(lián)網(wǎng)支持?！?/p>
杜老倌俠客居（陸偉）寫于2021年12月19日禮拜日晚上
